EnglishMartın 13-də 2024-cü ilin “İdman Paytaxtı” Quba şəhərində Gənclər və İdman Nazirliyinin və idman federasiyalarının nümayəndələri arasında “Fibonaççi” intellektual yarışı təşkil edilib.
Quba Olimpiya İdman Kompleksində keçirilən oyunun qaydaları açıqlandıqdan sonra yarışa start verilib. Yekun nəticələrə əsasən “Bizimkilər” komandası (AGİN və stolüstü tennis, voleybol, velosiped, şahmat, avarçəkmə federasiyalarının nümayəndələri) yarışın qalibi olub. “İdman qanunu” komandası (AGİN və Azərbaycan Cüdo Federasiyasının nümayəndələri) ikinci, “Döyüşçü” komandası isə (AMİNA, yelkən, həndbol, karate, bodibildinq, MMA və qrapplinq federasiyalarının nümayəndələri) üçüncü yerlərə layiq görülüblər. Azərbaycan Yelkən Federasiyası olaraq əməkdaşımız Ramin Cəlilov “Döyüşçü” komandasında iştirak edib.
Sonda qalib komandalar yarışın xüsusi hədiyyələriylə mükafatlandırılıblar.
Qalib olan komandaları təbrik edirik!
