Azərbaycan Yelkən Federasiyasının əməkdaşları 53 saylı tam orta məktəbdə yelkən idmanını tanıdıblar

Görüşdə 53 saylı tam orta məktəbin 100-dən çox şagirdi iştirak edib.

Yelkən idmanı üzrə infrastruktur meneceri, ILCA sinifi milli komanda məşqçisi Seyhun Yıldız, Optimist sinifi milli komanda məşqçisi Panagiotis Papadakis yelkən idmanı barədə ətraflı məlumat veriblər. Həmçinin milli yığmaçı Furkan Mustafayev öz biliklərini uşaqlarla paylaşıb.

Görüşün məqsədi orta məktəblərdə təhsil alan şagirdləri yelkənlə tanış edərək, bu idman növünün təbliğatını aparmaqdır.

Qeyd edək ki, Azərbaycan Yelkən Federasiyası hər il silsilə şəkildə məktəblərdə yelkən idmanının təbliğatını aparır.