EnglishMayın 16-da Azərbaycan Dövlət Bədən Tərbiyəsi və İdman Akademiyasında (ASAPES) gənclərin məşğulluğunu artırmaq məqsədilə tələbə və məzunlar üçün karyera sərgisi təşkil olunub.
Sərgidə müxtəlif idman federasiyalarının, dövlət qurumları və təşkilatların, eləcə də Akademiya ilə sıx əməkdaşlıq edən idman müəssisələrinin nümayəndələri öz stendlərini nümayiş etdiriblər.
500-dən çox tələbə və məzunun iştirakçısı olduğu sərgidə Azərbaycan Yelkən Federasiyası adına ILCA sinifi milli komanda məşqçisi Seyhun Yıldız, milli yığmacı Murad Hacı-zadə və ofis inzibatçısı Ramin Cəlilov təcrübə proqramları haqqında tələbə və məzunlara ətraflı məlumat veriblər.
Qeyd edək ki, karyera sərgisində tələbə və məzunlara ümumilikdə 47 müəssisədən 220 vakansiya, 78 təcrübə proqramı təklif olunub.
